Është arrestuar sot në Gjermani drejtori ekzekutiv i Audit Rupert Stadler. Arrestimi i tij vjen pas akuzave për mashtrim.
Kompania e Audit ka konfirmuar lajmin e arrestimit. “Mandati i arrestit bazohet në fshehjen e provave,” thanë prokurorët e Mynihut.
Audi është akuzuar se ka shitur të paktën 210,000 makina, të cilat kanë pasur një normë shumë të lartë të gazit të emetuar në mjedis. Kompania e njohur e makinave po hetohet gjithashtu për akuzat për mashtrim dhe promovim të paligjshëm të produkteve
Prokurorët e Mynihut njoftuan më 13 qershor se CEO i Audi ishte tani pjesë e hetimeve të tyre dhe bënë një kërkim në shtëpinë e tij. Stadler ka qenë me Volksëagen-Audi që nga viti 1994 dhe ka mbajtur vendin më të lartë drejtues në Audi që nga viti 2007, dy vjet përpara aktiviteteve të dyshuara për gazin.
(E.K/FAXWEB.AL)
