Kandidati i Lëvizjes Socialiste për Integrim Dritan Ylli i është përgjigjur akuzës së ministrit të Drejtësisë Gazmend Bardhi, se ai ka qenë pjesë e një skeme mashtrimi me ish-drejtorët e burgjeve në Shkodër, duke u premtuar qytetarëve punë.
Ylli reagon duke thënë se për të gjitha shkarkimet që Bardhi po bën, të cilat ai i konsideron të paligjshme, do japë llogari përpara Prokurorisë.
“Nje sqarim per ministrin Bardhi, te paditur per shkelje te ligjit !
Genjeshtrat, shpifjet dhe mashtrimet e Ministrit te Drejtesise, s’mund te fshehin gjendjen katastrofike te PD ne Shkoder, te krijuar nga perjashtimi i figurave kryesore te saj !
Gjithshka thuhet ne adrese te kandidateve te LSI ne qarkun Shkoder, eshte vetem nje sajese e turpshme dhe nje spekullim, pas te cilave kerkon te fshihet ministri i paditur per shkelje te ligjit.
Ministri i Drejtesise do te jape llogari per te gjithe shkarkimet e paligjshme qe po ben, per te cilat duhet te paraqitet te jape shpjegime ne Prokurori !
Me 26 Qershor ai do te ike me turp nga puna dhe te gjithe te pushuarit padrejtesisht nga ai, do te rikthehen ne vendet e punes.
LSI nuk e ndal nga askush vrullin e saj drejt forces se pare, te dielen e ardhshme dhe nuk bie pre e presioneve apo shantazheve mashtruese te asnje tekniku apo politekniku, kudo qofte ai !”, reagon Ylli. (D.D/Shuplaka)
