Akuzat për përfshirje në trafik droge, mbërrin nga Italia letër-porosia për Valdrin Pjetri

Në Prokurorinë e Tiranës ka mbërritur letër-porosia, nga Italia për ish-kryebashkiakun Valdrin Pjetri, i cili është denoncuar publikisht nga PD se ishte i dënuar për drogë dhe vjedhje në shtetin fqinjë.

Letër-porosia konfirmon denoncimin e Partisë Demokratike, ku theksohet se Pjetri është proceduar penalisht për trafikim të lëndëve narkotike.

Tashmë, pritet që Valdrin Pjetri të thirret si i pandehur nga Prokuroria për “falsifikim formulari”, për dekriminalizimin.

Kujtojmë se Partia Demokratike publikoi dokumente, të cilat dëshmojnë se i zgjedhuri i Partisë socialiste për kryetar të Bashkisë së Shkodrës Valdrin Pjetri, ka qenë i dënuar në Itali nën akuzën e prodhimit dhe trafikimit të substancave narkotike. Një dënim të cilin ai nuk e ka deklaruar në formularin e dekriminalizimit.

(M.Q/Faxweb.al)