U bë tashmë më shumë se një javë që Agron Tufa dhe Diana Çuli janë përfshirë në një debat të ashpër public. Akuza-kundërakuza që kanë pasur vetëm një temë, pushkatimet e poetëve në kohën e diktaturës komuniste.
Ata sot për herë të parë do të jenë përballë njëri tjetrin në emisionin e Sokol Ballës ‘’Top Story’’.
Fillimisht Tufa drejtori i Institutit për Krimet e Diktaturës e quante publikisht Çulin si vrasëse dhe madje arriti të prishte një takim letrar.
‘’Si ka mundësi që Diana Çulin e zë gjumi. Duhet të kishte kërkuar falje me megafon ndaj familjarëve’’, ka thënë Tufa.
Ndërkohë nga ana tjetër Çuli i ka konsideruar tepër të ashpra këto akuza. Akuza të cilat nuk u janë bërë as përgjegjësve të vërtetë të diktaturës.
‘’Këto janë akuza shumë të rënda që janë bërë në rrjetet sociale’’, ka thënë Çuli.
DEBATI I PLOTË:
Diana Çuli: Mua më vjen shumë keq që ju keni përdorur një gjuhë urrejtjeje ndaj gazetareve.
Gazetarja: Nisma jonë kishte në qendër të saj që të sillte mbrëmjet letrare në qytet dhe të rikthente shkrimtarët e realizmit socialist.
Diana Çuli: Unë kam bërë dhe më parë takime.
Marku: Qëllimi juaj ishte të nxirrnit në pah shkrimtarët e realizmit socialist.
Beti Njuma: Për hir të bashkëpunimit që kemi pasur me zotin Agron i kërkova që të mos e bënte këtë formë të protestave. Ti që bën thirrje për moral. Mos bëj protesta të tilla që nxisin reagime. I kërkova që të vinte në takim. Ki burrëni pranoje!
Sokol Balla: Beti të lutem se nuk do bëjmë biseda telefonash
Mark Marku: Unë them që zonja Çuli të shkojë në çdo takim publik që thërritet, si mund ta ftosh së bashku Agronin dhe Dianën, është mungesë etike
Beti Njuma: Unë nuk i kam ftuar të dy, e kam thërritur Agronin pas reagimit të tij.
Marku: Ju keni pasur një fond publik, duhet të mësohemi të jemi transparent me fonde që paguhen nga publiku.
Beti Njuma: Po abuzohet shumë me këtë termin projekt, ne kemi marrë vetëm 3 milionë lekë të vjetra për këtë nsimë tonën letrare.
Sokol Balla: Akuzat janë akuza dhe njerëzve nuk iu intereson fare sa ka kushtuar projekti.
Agron Tufa: Nuk i kam akuzuar për shpërdorimin e fondeve, po për keqpërdorimin e tyre.
Sokol Balla: Beti nuk është e hijshme që të të mbyll mikrofonin. (E.K/SHUPLAKA)
