Vetëm disa ditë përpara se Donald Trump të kthehet në Shtëpinë e Bardhë, presidenti i Iranit, Masoud Pezeshkian, ka përsëritur mohimin kategorik të vendit të tij për të qenë pjesë e një komploti për të vrarë Trumpin gjatë fushatës së tij zgjedhore vitin e kaluar.
Pezeshkian i bëri këto komente në intervistën e tij të parë me një media amerikane që kur Trump i mbijetoi një atentati korrikun e kaluar dhe gjithashtu pasi Departamenti i Drejtësisë i SHBA-së në nëntor akuzoi një iranian në lidhje me një komplot për të vrarë Trumpin muajin e kaluar. Trump fitoi zgjedhjet e 5 nëntorit dhe do të marrë detyrën të hënën e ardhshme.
“Fillimisht, ne kurrë nuk e kemi tentuar këtë dhe nuk do ta bëjmë kurrë”, deklaroi Pezeshkian në një intervistë për NBC News në Teheran.
Ai më tej shtoi se akuzat se Irani u përpoq të vriste Trumpin janë pjesë e “skemave të të huajve” për të “ushqyer Iranofobinë”, duke iu referuar Izraelit dhe vendeve të tjera.
Në lidhje me marrëdhëniet me SHBA-në dhe tensionin me vendet perëndimore për çështjen bërthamore iraniane, si dhe kërcënimet e fundit të Trumpit për të shtuar sanksionet dhe për të ushtruar më shumë presion ndaj Iranit, Pezeshkian akuzoi se SHBA-ja ishte “përpjekur të rrëzonte Iranin”.
“Unë shpresoj se Trump do të punojë për paqen në rajon dhe në botë, jo të kontribuojë anasjelltas në gjakderdhje apo luftë”. theksoi presidenti iranian.
I pyetur për një sulm të mundshëm ushtarak SHBA-Izrael ndaj Iranit, kreu i qeverisë tha se Irani “do të reagojë ndaj çdo veprimi” dhe do të mbrohet, duke theksuar se çdo sulm ndaj Iranit do të “ishte i dëmshëm për të gjithë aktorët”, jo vetëm për Iranin.
Komentet e fundit nga pjesëmarrësit në bisedimet e armëpushimit kanë thënë se marrëveshja mund të jetë afër.
Që nga sulmi i Hamasit më 7 tetor 2023, Izraeli ka vazhduar luftën e tij kundër Gazës, ku ka vrarë më shumë se 46.600 njerëz, shumica prej tyre gra dhe fëmijë, pavarësisht një rezolute të Këshillit të Sigurimit të OKB-së që bën thirrje për një armëpushim të menjëhershëm.
