Ndue Lala, këshilltari i LSI në bashkinë e Pukës dhe shef i burimeve njerëzore në drejtorinë e Shëndetit Publik në Pukë, i cili ra në pranga mbrëmjen e djeshme nën akuzën e posedimit të lëndëve narkotike, doli sot para gjykatës.
Para togave të zeza në Gjykatën e Pukës ai u njoh për masën e sigurisë. Gjyqtari Rexhep Karaj vendosi të vlerësojë të paligjshëm arrestimin e Ndue Lalës nga ana e komisariatit të Policisë së Pukës, ndërsa në përgjigje të kërkesës së prokurorit Ardian Nexha u vendos arresti me burg për një periudhë kohore prej 45 ditësh me qëllim që organi i akuzës të mbledhë më shumë prova, shkruan një portal online.
Po kështu Ndue Lala gjatë seancës ka kundërshtuar gjithë akuzën e ngritur ndaj tij, ndërsa u shpreh se nuk kishte lidhje me kontenjerin ku u gjet lënda narkotike, pasi sipas tij, ai ishte në mesin e lagjes dhe jo në afërsi apo brenda rrethimit të banesës së tij. (J.V/Shuplaka)
Discussion about this post