Akuzohet për vrasjen e Santiago Malkos, lihet në burg Blendi Teta

Gjykata e Krimeve të Rënda ka vendosur masën e sigurisë  “arrest në burg” për Blendi Tetën, i arrestuar për vrasjen e Santiago Malkos.

Më herët gjykata e penale e Tiranës kishte caktuar të njëjtë masë sigurie por, pas shpalljes së moskopetencës nga prokuroria e Tiranës atëherë dosja i kaloi për kompetencë Gjykatës së Krimeve të Rënda, duke shtuar akuzën e krijim të grupit të strukturuar kriminal.

Blendi Teta nuk ishte i pranishëm në seancë ndërsa avokati i tij Ilir Murati kërkoi lirimin e tij. Ndërkohë gjykata vendosi ta lërë atë në burg duke e akuzuar vetem për moskallëzim krimi.

Krimet e rënda kishin caktuar më parë edhe për 8 anëtarët e tjerë të grupit arrest me burg. Vëllezërit Leonard dhe Elis Duka, Xhoni Nica, Oltion Loka, Ilir Selmani, Aleksandër Maxhaku, Dritan Aga dhe Fatmir Hyseni “DOQJA i Vlorës”.

Ata akuzohen për vrasjen e Santiago Malkos më 27 gusht në zonën e Porcelanit në Tiranë.