Adoleshentja me inicialet Xh. Çinaj, e cila pak kohë më parë akuzoi për përdhunim babanë, ngjarje që tronditi opinionin publik, ka ndryshuar së fundmi dëshminë.
17-vjeçarja që kreu abort në muajin e gjashtë të shtatzënisë, ka dëshmuar së fundmi se nuk ishte babai, por fqinji i moshuar ai që e përdhunoi. Ajo shprehet se nuk ka rrëfyer të vërtetën nga frika se i moshuari, të cilit nuk i di as emrin, mund ta vriste.
“Më përdhunoi fqinji i moshuar, ai më kërcënoi. Nuk ia di as emrin, nuk tregova se kisha frikë mos më vriste.”, mësohet të ketë thënë 17-vjeçarja.
Pas denoncimit fillestar të së bijës, policia vuri në pranga V. Çinaj, i cili ndodhet në masën e sigurisë “arrest në burg” deri në daljen e përgjigjes së analizës së AND-së kryer ndaj fetuesit.
“Bëra gabim, denoncova babanë, por ai nuk ka faj. Tani kam frikë se kur të dalë do më vrasë, do më përzërë nga shtëpia. Kërkoj të lirohet babai dhe të arrestohet ai tjetri.”, mësohet të ketë thënë Xh. Çinaj. Familja Çinaj prej pesë personash, jeton në varfëri ekstreme. (XH.A/SHUPLAKA)
