Alarm në Poloni, dy raketa ruse bien në kufi, raportohen viktima

Dy persona janë vrarë në Poloni pasi dy raketa të humbura ruse ranë pranë kufirit me Ukrainën.

Raketat ranë në shtetin e NATO-s pas bombardimeve masive të Rusisë mbi qytetet ukrainase më herët sot, ku u lëshuan mbi 100 raketa.

Sipas agjencisë së lajmeve AP, një zyrtar i lartë i inteligjencës amerikane tha se raketat ishin me origjinë ruse.

Kryeministri i Polonisë, Mateusz Morawiecki, ka mbledhur Komitetin e Këshillit të Ministrave për Çështjet e Sigurisë Kombëtare dhe Mbrojtjes “si një çështje urgjente”, konfirmoi zëdhënësi i qeverisë Piotr Müller, me faqet lokale të lajmeve që pretendojnë se ky ka të ngjarë të jetë rezultat i shpërthimeve.

Raketat ranë në qytetin Przewodów, duke goditur tharëset e drithit. Policia, zyra e prokurorit dhe ushtria thuhet se janë tashmë në vendngjarje.

Ndërkohë, Forcat e Armatosura polake thuhet se janë në “gadishmëri të lartë”.

Disa analistë kanë sugjeruar se objektivi i synuar i raketave mund të ketë qenë Lviv, një qytet ukrainas rreth 100 km në jug të Przewodów.