Ato nuk bien në sy, mezi dallohen nëse janë cigare të kontrabanduara apo të falsifikuara.
Por ato janë një problem në rritje: Një total prej 300 milionë cigaresh hynë në tregun zviceran vitin e kaluar – një rritje prej 50 përqind krahasuar me vitin 2020. Kjo është ekuivalente me 15 milionë pako cigaresh.
Sipas tyre, autoritetet tatimore zvicerane pësuan humbje prej 76 milionë frangash në taksat e duhanit vitin e kaluar.
Kjo është raportuar në një studim në shkallë të gjerë mbi konsumin e paligjshëm të cigareve në Evropë, ku firma konsulente shqyrtoi gjithsej 38 tregje evropiane.
Ndërkohë, më shumë se gjysma e mallrave të kontrabanduara nuk mund të identifikoheshin qartë gjeografikisht.
Ndërsa shitjet e cigareve të ligjshme ranë nga 9 miliardë në 7.5 miliardë midis viteve 2020 dhe 2024, konsumi i cigareve të paligjshme u rrit me 50 përqind gjatë së njëjtës periudhë.
Mediat zvicerane theksojnë se teksa pjesa e tregut të cigareve të paligjshme është 3.5 përqind e konsumit total në Zvicër relativisht e ulët, ka një trend në rritjeje.
Në anën tjetër, në të gjithë Evropën, në vitin 2024 u konsumuan gjithsej 52.2 miliardë cigare të paligjshme që korrespondon me një pjesë prej dhjetë përqind të tregut total.
Franca është veçanërisht e prekur: mbi dy miliardë cigare të paligjshme më shumë u konsumuan atje në vitin 2024 sesa në vitin e kaluar.
Mbretëria e Bashkuar renditet gjithashtu dukshëm mbi mesataren evropiane, me një përqindje prej 26 përqind.
Sipas KPMG, autoritetet në 38 tregjet e anketuara humbën gjithsej 19.4 miliardë euro në të ardhura tatimore.
