Kur ka kaluar situata e rëndë gripale që përfshiu vendin gjatë ditëve të ftohta të janarit, ku temperaturat u ulën nën zero, një tjetër shqetësim vjen nga Fieri. Vatra të gripit të shpendëve janë zbuluar në dy fshatra.
Lajmi konfirmohet nga Zyra e Veterinarisë në bashkinë e Fierit.
Luiza Strati thotë se zonat e prekura janë Semani dhe Topoja. Ajo shton se si pasojë e këtij virusi kanë ngordhur një numër i madh shpendësh në këto dy zona.
“Janë prekur shpendë të mbi 20 mijë familjeve”, thotë Luiza Strati. (E.K/SHUPLAKA)
