Alarm për bombë në 3 stacione hekurudhore në Moskë, evakuohen 3.000 pasagjerë dhe anëtarët e stafit

Tre stacione hekurudhore në Moskë janë evakuuar menjëherë pas kërcënimit me bombë. Mediat ruse njoftuan mëngjesin e kësaj të hëne se Policia në Moskë ka evakuuar në total 3.000 pasagjerë nga tre stacionet pas marrjes së kërcënimit anonim, ndër të cilët 750 në Yaroslavsky.

Agjencia e lajmeve “TASS” njoftoi se policia është duke kryer kontrolle me qen nuhatës në të tre stacionet, në Kazansky, Leningradsky dhe Yaroslavsky.

Të treja stacionet hekurudhore janë të vendosura në të njëjtin shesh në Moskë. Ato shërbejnë si stacionet kryesore të transportit për mijëra njerëz që lëvizin për të punuar çdo ditë. (XH.A/SHUPLAKA)