Në shtetin anglez në një aeroport në Londër janë evakuar pasagjerët në bordin e një avioni. Ky vendim është marrë pasi është përhapur alarmi për bombë në linjën e udhëtimit Dubai-Londër.
Shteti anglez që prej mbrëmjes së djeshjme është nën masa të rrepta sigurie pasi nga dy shpërthime me eksploziv në Manchester kanë vdekur 22 të rinj dhe janë plagosur 60 persona.
Gjithë Britania e Madhe është nën alarm se mund të ketë akte të tjera ekstremiste dhe në zonat e populluar janë forca të shumta policie dhe janë mobilizuar forcat speciale të policisë. Ende nuk dihet se sa prej 60 të plagosurve mund t’i mbijetojnë plagëve të marra.
Kompania ajrore ka deklaruar se të gjithë klientët që udhëtojnë nga Dubai në Londër kanë zbritur përkohësisht nga avioni për kontrolle sigurie.
“Kjo është thjesht një masë parandaluese, pasi siguria e klientëve tanë dhe ajo e ekuipazhit është prioriteti ynë numër një”, shtoi kompania. (J.V/Shuplaka)
