Sipas informacioneve të policisë pakoja e gjetur ka rezultuar të jetë lëndë eksplozive. Forcat xheniere kanë kryer shpërthimin e kontrolluar të pakos me lëndë eksploziv të vendosur 2m para një automjeti. Sipas informacioneve lëndë eksplozive artizanale 500gr tritol.
Pak më parë u raportua nga policia se shtetasi Endrit Sabedini njoftoi se dyshonte se rreth 2 m larg, përpara mjetit të tij dalloj një qese plasmasi të zezë dhe dyshonte se ka lëndë eksplozive.
Menjëherë policia ka rrethuar zonën për të mbajtur larg perimetrit të rrezikut banorët.
Njoftimi i policisë
Vlorë Informacion paraprak Më datë 15.12.2017, rreth orës 18:55, Salla Operative Vlorë është njoftuar nga një telefonatë prej shtetasit E.S., 30 vjeç, pasi dyshon se rreth 2 m larg, përpara mjetit të tij tip ”Benz”, në lagjen ”Uji i Ftohtë”, dallon një qese plasmasi të zezë dhe dyshon se ka lëndë eksplozive. Menjëherë në vendngjarje kanë shkuar shërbimet e Policisë të cilët kanë konstatuar se, në rrugë, rreth 2 m përpara mjetit tip ”Benz” gjendet një objekt i mbështjellë me qese të zezë. Policia ka rrethuar zonën për të mbajtur larg perimetrit të rrezikut banorët përreth. Janë njoftuar e janë duke ardhur edhe Forcat Xheniere për të vlerësuar situatën dhe përcaktuar çfarë objekti është.
(F.M/Faxweb)
Discussion about this post