Një alarm për bombë në parkingun e Hotelit “Plaza” në Tiranë ka shkaktuar shqetësim në orët e paradites, por pas verifikimeve të kryera nga policia, rezultoi se bëhej fjalë për një lajm të rremë.
Forcat e rendit mbërritën menjëherë në vendngjarje, duke rrethuar zonën dhe duke kryer kontrolle të imtësishme me ndihmën e njësisë antieksploziv. Pas kontrollit të plotë të ambienteve të hotelit dhe parkingut, nuk u gjet asnjë objekt i dyshimtë.
Sipas policisë, alarmi erdhi përmes një telefonate anonime.
