Për helmimin nga ushqimet ka nisur kontrolli i restoranteve nga ana e Inspektoriatit Shtetëror Shëndetësor.
Sipas ISHSH-së 50 pacientë në ditë i drejtohen spitalit infektiv pasi janë helmuar.
Kreu i inspektoriatit Sanitar Shtetëror Eltar Deda thotë për “Top Channel” se nga kontrollet e ushtruara janë mbyllur disa lokale që nuk respektojnë kushtet higjeno-sanitare.
“Jemi në inspektim të përditshëm të të gjithë subjekteve që janë të destinuara për sezon turistik, kryesisht ato me karakter sezonal për të shmangur sa më shumë shpërthimet epidemike që vijnë nga mbipopullimi i këtyre zonave po dhe nga ana tjetër nga mosrespektimi dhe shmangia e atyre bizneseve që duan t’i shmangen ligjit. Vetëm para sezonit turistik kanë qënë mbi 14 masa administrative të tyre, mbi 24 të tjera që kanë marrë vendime për bllokim”, tha Eltar Deda, kreu i ISSH.
Po kështu ai i bën thirrje qytetarëve që të jenë të kujdesshëm, të frekuentojnë ato subjekte me kushte higjeno sanitare.
“I bëj thirrje të gjithë qytetarëve që të jenë të kujdesshëm, të frekuentojnë ato subjekte me kushte higjeno sanitare, ku ka prani të rrjedhshme të ujit, kushtet në të cilat duhet të mirëmbahen këto produkte ushqimore që tregtohen, kryesisht dhoma frigoriferike. Duhet të ketë dhe ambiente higjieno santiare që kanë të bëjnë qoftë me tualtetet, qoftë me dushet”, tha Deda. (J.V/Shuplaka)
Discussion about this post