Pas publikimi të lajmit ku 8 punishte në kryeqytet falsifikonin ushqimet duke rrezikuar shëndetin e konsumatorëve shqiptarë, Alban Zusi ish- zv. ministër i Bujqësisë ka deklaruar se në vend ekzistojnë shumë punishte të tilla që funksionojnë pothuajse në mënyrë të ngjashme.
Zusi u shpreh për Report TV se qytetarët shqiptarët janë shumë të rrezikuar sepse është e vështirë që të dallohet një produkt i falsifikuar, pasi këto punishte përdorin emrat e disa markave të rëndësishme në treg.
“Ata janë shpërndarë me marka. Dyqani i lagjes mendon se kur ky produkt ka hyrë në kufi është kontrolluar. Kur ata dalin në publik është përgjegjësia e autoriteteve jo e konsumatorit”, u shpreh Zusi.
Gjithashtu Zusi tha se përgjegjës kryesor për sigurinë ushqimore është Autoriteti Kombëtar i Ushqimeve por ai shprehet se ky institucion funksionon me fonde dhe kompetenca të kufizuara gjë e cila e vështirëson punën e tyre. Sipas tij Ministria e Bujqësisë duhet të vëzhgojë AKU sepse nga ajo varet dhe se nuk duhet të kufizojë buxhetin e saj.
“Ministria e Bujqësisë duhet të vëzhgojë AKU sepse nga ajo varet. AKU është konceptuar se duhet të jetë institucioni më i rëndësishëm për sa i përket sigurisë ushqimore , por është institucioni më pak efektiv. Buxheti i saj nuk duhet të kufizohet. AKU është institucioni praktik që duhet të jetë në terren, po nëse ka 30 inspektor dhe ka vetëm një makinë si do ia bëj? S’kanë fonde të mjaftueshme”, tha Zusi.
(M.D/ Shuplaka)
Discussion about this post