Alarm në mediat italiane, sasia e drogës e kapur këtë vit në Torino është rekord. Në operacionet e fundit zhvilluar në këtë qytet janë arrestuar dy shtetas shqiptarë dhe një Italian.
“Ansa” shkruan se në dy operacionet e fundit të policisë u arrestuan dy shqiptarë, 25 dhe 30 vjeç si dhe një italian, 61 vjeç. Sakaq beteja kundër trafikantëve shqiptarë nuk mbaron me kaq, pasi Policia është vënë në ndjekje të një grupi tjetër, po pa dhënë ende rezultat.
Mësohet se vlera e drogës së kapur deri më tani kap shifrat e një milion e gjysmë. Droga shpërndahej kryesisht në lagjet Barriera Milano dhe San Salvario të Torinos.
Hetuesit theksojnë se derivatet e kanabisit të kapur janë pesë herë më të larta se ato të viteve 80.
(E.K/SHUPLAKA)
Discussion about this post