Moderatorja Alba Çobaj prej muajsh i ka munguar televizionit dhe daljeve publike, shkëputje e cila ka ndodhur për shkak të një arsyeje të fortë. Moderatorja së shpejti do të bëhet nënë për herë të parë. E kjo nuk është surpriza e vetme.
Po ashtu Alba ka zbuluar se është martuar me partnerin e saj, ndërkohë që tani është në muajin e nëntë të shtatzënisë. Lajmin, ish-banorja e Big Brother e ka konfirmuar në një interviste për “Revista Class”, ku rrëfen edhe disa detaje nga jeta e saj personale.
Çobaj rrëfen se është në pritje të një vajze. Po ashtu ajo tregon se me atë që tashmë është bashkëshorti i saj, Migenin, ka një histori dashurie 3-vjeçare dhe i kanë ndjekur etapat e lidhjes sipas rradhës.
Moderatorja thotë se nuk e ka ndarë lajmin me publikun, si të martesës ashtu dhe të shtatzënisë, pasi është pak supersticize.
