Detaje të reja janë bërë të ditura lidhur me krimin makabër të shënuar ditën e sotme në fshatin “Ujë i Mirë” në Këlcyrë.
Alban Voda, person i njohur si me probleme mendore, më parë komando në Afganistan, i preu kokën bashkëfshatarit 66-vjeçar.
E pyetur lidhur me ngjarjen e rëndë, bashkëshortja e viktimës, identiteti i të cilit nuk bëhet i ditur, është shprehur për “Report Tv” se i shoqi dhe Voda kanë pasur një konflikt një vit më parë.
“Burri ka pasur konflikt me autorin një vit më parë. S’kemi pasur raporte të mira me Alban Vodën.”, mësohet të ketë thënë ajo. Ndërsa fqinjët janë shprehur se nuk e kanë ditur që autori i krimit të rëndë ishte person me probleme mendore.
Mësohet se 30-vjeçari Alban Voda është veshur ushtar në Prill 2009 dhe është larguar nga ushtria në Tetor 2012, me kërkesë të tij. Gjatë periudhës së shërbimit, ka shërbyer përveçse në Afganistan, edhe në Kabul, konkretisht: në Kabul në 2010-2011 dhe në Herat në Janar-Korrik 2012. (XH.A/SHUPLAKA)
