Komisioni i Edukimit ka pasur debate të forta sot sa i përket rrënimin të disa monumenteve të kulturës.
Teksa deputetët e mazhorancës ishin më mbrojtje të Kumbaros, deputetja Albana Vokshi iu drejtua kolegut të saj Fate Velaj se ai nuk ishte mendërisht në mbledhje.
“Unë nuk e di nëse ti je apo jo mendërisht në mbledhje, ju jeni të kënaqur nga puna e ministrisë. Nëse ti vjen dhe thua që ka 30 ditë që është formuar qeveria….ndërkohë që Ministrja ka 5 vite që është përgjegjëse për shkatërrimin e monumenteve të Kulturës dhe artit nuk e di domethënë”, u shpreh Vokshi.
Kumbaro raportoi për gjendjen e monumenteve të trashëgimisë kulturore dhe zhvendosjen e artistëve nga Teatri Kombëtar.
“A e ndieni veten përgjegjëse që po shkatërrohen monumentet e kulturës? Nga prezantimi doli që është faji i natyrës”, iu drejtua Vokshi ministres Kumbaro.
“Në lidhje me objektet që në 3-4 shkurt pësuan dëme, ura e Hoshtevës në Zagori, Drejtoria Rajonale e Gjirokastrës kishte evidentuar problematika në këtë urë. Është bërë një evidentim i detajuar i situatës. Prurjet e ujit në këtë periudhë të vitit janë të shumta dhe terreni është i paaksesueshëm në këtë zonë dhe ishte e pamundur që ndërhyrjet të bëheshin në këtë periudhë të vitit. Ekspertët konstatuan se ndërhyrjet duhet të bëheshin në një moment tjetër”, deklaroi ministrja Mirela Kumbaro.
Si zgjidhje, ministrja e Kulturës thotë se janë dy mundësi për riparimin e urës 200-vjeçare të Ali Pashës.
“Që të bëhet restaurimi me rrënojat që janë në vend dhe konservohet ajo që mbetet, opsion tjetër, më i pazakontë është rindërtimi me atë që ka mbetur dhe materiale të tjera”, tha ajo.
(E.K/FAXWEB)
Discussion about this post