Koreografi i njohur Albi Nako ka rrëfyer për sëmundjen me të cilën po përballet prej katër vitesh. Ai ka treguar se është prekur nga sëmundja e tendinave të kockave dhe ka momente kur i duhet të ecë me paterica.
Ai është shprehur për tej në një emision të “Channel One” se shkak mund të jetë bërë lodhja, ose mënyra joprofesionale e të ushtruarit, ose abuzimi me trupin. Pavarësisht se e ka të vështirë, ai tregon se realiteti duhet pranuar dhe vazhdon të kryejë fizioterapi.
“Prej katër vitesh kam një problem kronik gjunjësh, që arrij deri të eci dhe me paterica. Është sëmundje e tendinave të kockave, profesionale që duhet mirëmbajtur. Është nga lodhja ndofta dhe nga mënyra si jemi ushtruar jo në mënyrë profesionale por mund të kemi abuzuar me trupin dhe kam arritur në një pikë që nuk jam në ushtrimin tim maksimal lidhur me profesionin sepse kam probleme me gjunjët.
Hera e fundit që më ndodhi ishte para 8 muajsh. Unë merrem shumë me fizioterapi, ilaçe ekstrakte bimore. Arrijnë që gjunjët dhe kaviljet më fryhen. Kjo më ka shqetësuar por është një realitet që dua ta pranoj. Kjo është arsyeja pse unë jam mbi peshë.”, ka rrëfyer Albi Nako. (XH.A/SHUPLAKA)
Discussion about this post