Kryeministri në detyrë i Kosovës, Albin Kurti ka dalë nga vetëizolimi pasi doli negativ ndaj testit të korónavirusit. Mënjeherë pas dyshimeve se zyrtari i Ministrisë së Integrimeve mund të ishte infektuar, Kurti zgjodhi që të izolohej derisa të dilnin rezultatet e analizave.
Zëdhënësi i Qeverisë së Kosovës, Përparim Kryeziu tha se Kurti, së bashku me kabinetin e tij do ta rifillojnë punën.
Duke folur për KosovaPress, Kryeziu tha: “Duke pas parasysh natyrën e punës së Kryeministrit dhe stafit të tij, natyrë kjo që parasheh takime të shpeshta me delegacione vendore dhe ndërkombëtare në funksion të kryerjes së detyrave zyrtare, dhe në kuadër të masave të nevojshme për parandalimin e shpërndarjes së virùsit Cóvid-19, Kryeministri dhe i gjithë stafi në Zyrën e Kryeministrit (pa perjashtim), si masë kujdesi, janë udhëzuar që t’iu nënshtrohen analizave. Rezultatet nga analizat kanë dal negative për të gjithë. I ftojmë të gjithë të vazhdojnë me respektimin e masave të vendosura nga Qeveria dhe këshillave të profesionistëve”.(A.M/Faxweb.al)
