Kreu i Lëvizjes Vetëvendosje, Albin Kurti, i cili kandidon për kryeministër, ka ftuar zyrtarisht Lidhjen Demokratike të Kosovës që të bashkohen për të krijuar një koalicion paszgjedhor me qëllim krijimin e qeverisë së re.
Në një reagim të tijin në rrjetet sociale, ai u shpreh se mbetja e LDK-së në opozitë nuk është opsion. Sipas tij, mbetja në opozitë e kësaj partie dhe mosbashkëpunimi me Vetëvendosjen tregon se LDK po heq dorë nga synimi për largimin e Klanit Pronto nga pushteti:
“Që Lidhja Demokratike e Kosovëstë mbetet në opozitë, ky nuk është opsion. Mbetja në opozitë e LDK-së dhe mosbashkëpunimi me Vetëvendosjen, do të thotë thjesht se LDK-ja po heq dorë nga synimi për largimin e Klanit Pronto nga pushteti, e kjo dorëheqje nuk i duhet as vendit e as popullit.”
Sipas Kurtit, mbështetja që LDK ka marrë prej elektoratit të saj për kandidatët, tregon rrugën e qartë që kjo parti duhet të ndjekë.
(XH.A/SHUPLAKA)
