Kryetari i Lëvizjes Vetëvendosje, Albin Kurti refuzoi për të dytën herë ftesën e presidentit Hashim Thaçi për t’u takuar për të diskutuar për ngërçin për krijimin e qeverisë së re. Kurti i dërgoi një letër Thaçit, ku i përgjigjet negativisht për ftesën, ndërsa shprehet se është i hapur që të takohen një ditë tjetër kur të kthehet në Kosovë.
Kjo letër është shpërndarë edhe në faqen zyrtare të Lëvizjes Vetëvendosje në “Facebook”. “Sot isha jashtë vendit. Nuk do të mund të vij as sonte”, shkruhet në letrën e Albin Kurtit për Hashim Thaçin.
Thaçi e ftoi dy herë brenda ditës kryetarin e Lëvizjes Vetëvendosje, Albin Kurti, për të caktuar të mandatuarin për formimin e qeverisë, por të dyja ftesat u refuzuan.
(M. I./ Faxweb.al)
Discussion about this post