Ndonëeë ditët e tij në pushtet duket se janë të numëruara për shkak të lëvizjeve nga kundërshtarët për të formuar sa më parë qeverinë e re, Albin Kurti ka shkarkuar Shkëlzen Gashin, këshillatrin e tij politik.
Këtë e ka bërë të ditur me një status në FB ku shkruan se për shkak të disa deklaratave që ka bërë një ditë më parë.
“Sot e kam takuar dhe më pas e kam liruar nga detyra këshilltarin tim politik, z. Shkëlzen Gashi.
Disa deklarata të djeshme të tij patën pasoja shpërqendruese nga puna e mirë e qeverisë në detyrë. Konsideroj që është më mirë që debatin në të cilin është përfshirë ai të mos e bëjë nga pozita e këshilltarit tim.
E falenderoj për kontributin e dhënë. E çmoj për mendimin kritik. Ka aq shumë gjëra për të cilat pajtohemi në të tashmen, ka edhe të atilla për të cilat nuk pajtohemi nga e kaluara. Z. Gashi nuk është një bashkëbisedues i lehtë. Nga kjo vështirësi kam mësuar”, ka shkruar Kurti.
Gashi u shkarkua pas një deklarate skandaloze të bërë në një emision telviziv ku tha se pjesëtar të UÇK-së kanë vrarë civilë serbë dhe se Dick Marty nuk është antishqiptar.
Gashi, këshilltar i Kryeministrit Albin Kurti, ka ngjallur reagime të shumta te opinioni publike, i cili iu dha argument mediat serbe te nxjerrin tituj kinse Kosova pranon krimet ndaj civilëve serbë.
Gjithë aktorët politik, përfshirë figurat kryesore të Lëvizjes Vetëvendosje e kanë kundërshtuar dhe kritikuar pohimin e Shkelzen Gashit, që thotë se janë 1 mijë serbë civilë të pafajshëm të vrarë.
““Ku unë them që Dick Marty nuk është antishqiptar, përkundrazi, ai e ka publikuar një raport, ku flitet për krimet që pjesëtarët e UÇK-së i kanë kryer ndaj civilëve të pafajshëm. Dyshohet sepse njerëzit janë të vramë, i kemi gati 1000 serb civilë të pafajshëm që janë vrarë, shumicën dërmuese i kanë kryer pjesëtarë të UÇK-së, se s’kanë mujt me qenë pjesëtar të shoqërisë kulturo-artistike “Hajdar Dushi”. Por për fat të keq shumë prej këtyre pjesëtarëve që kanë qenë të implikum në këto krime kanë qenë në pozita udhëheqëse, komandat zonash, ose anëtarë të të shtabit të përgjithshëm të UÇK-së”, tha ndër të tjera ai.
(F.GJ/FAXWEB.AL)
