Aleanca për Ndryshim takim me delegacionin e PE, Mediu ngre shqetësimet për situatën parazgjedhore: Shqipëria, tërësisht jashtë standardeve dhe rekomandimeve të OSBE/ODHIR

Alenca për ndryshim u takua me europarlamentarët të Komisionit të Përbashkët të Stabilizim-Asociimit BE-Shqipëri. Në emër të Partisë Republikane, Fatmir Mediu, ka deklaruar se “situata parazgjedhore në Shqipëri është tërësisht jashtë standarteve dhe rekomandimeve të OSBE/ODHIR”.

Ai është shprehur gjithashtu se “nuk ka asnjë reformë për të ndaluar vjedhjen e votave , intimidimin e votuesve, përdorimin e të dhënave personale dhe shteti është njësuar me Partinë Socialiste në shërbim të manipulimit të zgjedhjeve”. “Krimi i organizuar dhe krruspioni kanë ndikim të madh politik dhe ekonomik dhe janë mrkanizëm në duar të pushtetit për të manipuluar zgjedhjet.

Të gjithë jemi për drejtësi të pavarur, por drejtësi e cila vepron në respekt të kushtetutës, të drejtave dhe lirive të qytetarëve shqiptar dhe jo si një armë politike kundër opozitës”, tha ndër të tjera përmes një postimi në rrjete sociale Mediu.