Në Gjykatën e Apelit është hedhur këtë pasdite shorti për trupën gjykuese të përbërë nga 5 anëtarë që do të shqyrtojnë ankimimet e opozitës.
Pesë gjyqtarët e përzgjedhur janë: Sotiraq Lubonja, Tomorr Skreli, Alfred Kalaja, Gjin Gjoni, Artur Malaj dhe Lindita Sinani. Këta të përzgjedhur do të shqyrtojnë ankimimin e Partisë Aleanca Popullore, e cila e ka ankimuar vendimin këtë mëngjes duke paditur KQZ-në për shkeljen e afatit të dorëzimit të listave.
Një ditë më parë, u hodh shorti për ankimimin e parë, të bërë nga partia PAA e Agron Dukës. Sipas shortit 5-shja e gjyqtarëve do të jenë Tomor Skreli, Sotiraq Lubonja, Gjin Gjoni, Ridvan Hado dhe Artur Malaj. Ndërsa relator sipas shortit u zgjodh Gjin Gjoni.
Partia e Agron Dukës është i vetmi subjekt opozitar i regjistruar në zgjedhje dhe sigla e tij është përdorur për të përfaqësuar opozitën në Kolegjin Zgjedhor, me argumentin se dita e fundit për dorëzimin e listave ishte 28 prilli dhe jo data 29, kur ky veprim u krye nga partitë pjesëmarrëse në zgjedhje.
(XH.A/SHUPLAKA)
