Aleati i Lulzim Bashës, kreu i PDK-së Nard Ndoka përforcon dyshimet se nga takimi tre orësh në praninë e Presidentit Nishani, nuk ka marrëveshje mes Ramës e Bashës.
Me anë të një postimi në rrjetin social Facebook, fill pas përfundimit të takimit Nard Ndoka shkruan: “Tym i Zi duket në Presidence”, duke na lënë të kuptojmë se negociatat për zgjidhjen e ngërçit politik kanë dështuar sërish.
Kryeministri Edi Rama dhe kreu i opozitës Lulzim Basha kanë zhvilluar një takim për tre orë me rradhë në Presidencë, me ndërmjetësimin e kreut të Shtetit Bujar Nishani, në përkjekje për t’i dhënë fund krizës politike në vend.
Por nga ky takim tre orarësh nuk ka pasur asnjë marrëveshje mes palëve. Por thuhet se do të vazhdojnë bisedimet mes palëve.
Ftesa për dialog u bë nga Presidenti Nishani, ndërsa në tryezën e diskutimeve të pranishëm ishin dhe dy kryetarët e grupeve parlamentare të PS-PS, Gramoz Ruçi dhe Edi Paloka
(J.V/Shuplaka)
Discussion about this post