Në një kohë që po skadon afati i opozitës për të dorëzuar listën me kandidatët për zgjedhjet, ndaj Bashës shtohet presioni i aleatëve.
I atyre të vjetërve, por edhe atyre që i janë bashkuar rishtazi. Prej disa javësh tashmë kampit të opozitës i është bashkuar dhe Eduart Ndocaj dhe partia e tij.
Mirëpo në një deklaratë ditën e sotme ai i lëshon ultimatum kryetarit të PD, Lulzim Basha që ta fusë në listat fituese, pasi në të kundërt do të dalë në zgjedhje me listat e veta në çdo qark në zgjedhjet e 25 qershorit dhe kjo sipas tij do të dëmtojë PD.
“PBDKSH do dalë e vetme në zgjedhje dhe do ketë kandidat në të gjithë qarqet nëse Ndocaj nuk futet në listat fituese të PD.
Kjo është një kosto për opozitën dhe PD pasi ne do dalim me kandidat në të gjitha qarqet e vendit.
Ne presim përgjigje përfundimtare. Kërkojmë që të trajtohemi si partitë e tjera parlamentare me kryetar në listat fituese”.
Ndocaj ka vetëm pak javë që është bashkuar me koalicionin opozitar, ndërsa deklarata e tij vjen pas lajmeve nga PD se në lista deri tani të sigurt janë Mediu, Dule, Shehi dhe Duka, nëse PAA nuk del vetëm. (E.K/SHUPLAKA)
Discussion about this post