Vetëm pak muaj më parë i ndjeri kompozitor Aleksandër Lalo ishte i ftuar në një aktivitet të organizuar nga disa ministri në lidhje me pronësinë intelektuale. Ashtu siç edhe njihet nga të gjithë ua plasi në sy pakënaqësinë në lidhje me këtë projekt dhe u largua nga takimi.
Theksojmë që në këtë takim ishin të pranishëm: Ministrja e Kulturës Mirela Kumbaro, ministrja e ekonomisë Milva Ekonomi dhe ministrja e Inovacionit Milena Harito.
Në shenjë proteste, kompozitori pasi foli duke hedhur “thumba” në drejtim të ministreve, është ngritur dhe larguar nga salla e konferencës me arsyetimin: “Po iki të bëj drekën”.
“Kjo na intereson, nuk na interesojnë imazhe. Ne flasim në të shkuarën, krahasimet i bëjmë gjithmonë, fusim dhe pak politikë brenda. Nuk na duhet e shkuara se çfarë është bërë, na duhet se çfarë bëhet sot. Kaq ishte fjalimi i im, se do të shkoj të bëj drekën”, ka thënë Lalo dhe është larguar nga aktiviteti.
Por nuk mbaroi me kaq. Teksa ministrja Mirela Kumbaro e pyeti nëse e do përgjigjen për ato që tha, por Lalo i vendosur për t’u larguar shtoi: “Nuk e dua, jepua këtyre, unë nuk fola për vete.”
Aleksandër Lalo u nda nga jeta mbrëmjen e djeshme pasi një infrakti në moshën 68-vjeçare. Ai la pas një krijimtari të madhe. (J.V/Faxweb)
Fjala e Kompozitorit Lalo është në minutën e dytë të videos siguruar nga ”Ora News”:
Discussion about this post