Ende vazhdon që dita e themelimit të Partisë Demokratike e cila rrëzoi përfundimisht rregjimin komunist të festohet në dy ditë të ndryshme. Disa themelues të vjetër të kësaj partie e quajnë datën 12 dhjetor të vitit 1990 ditën e themelimit. Ndërsa për zyrëtarët aktualë të selisë blu si datë themeli është data 11 dhjetor e vitit 1990.
Një prej themeluesve të Partisë Demokratike, ish-kryeministri Aleksandër Meksi ka përgjedhur ditën e sotme, datën 12 dhjetor për të uruar demokratët për themelinin e Partisë Demokratike.
“ Të dashur miq e dashamirë demokratë! Ju uroj 12 dhjetorin ditën e themelimit të PARTISË DEMOKRATIKE! PD lindi si një parti opozitare e regjimit komunist, duke synuar një Shqipëri demokratike, të përparuar edhe europiane. Unë e shpresoj që ëndrra e themeluesve dhe mbështetësve të saj një ditë do të realizohet”, shkruan Meksi në rrjetet sociale. Festimet nga nga selia blu u zhvilluan ditën e djeshme ku Aleksandër Meksi nuk ishte prezent në atë ceremoni.
Discussion about this post