Aleksandër Vucic shpreh mbështetjen për Edi Ramën, ndihmë për të përballuar përmbytjet

Pas ekipeve të shpëtimit të mbërritura në Shqipëri nga Kosova për të ndihumar sadopak në gjendjen e vështirë që po kalon vendi, edhe Serbia është e gatshme të na ndihmojë.

Në një njoftim nga ana e Presidentit serb Aleksandër Vuicic dhe transmetuar nga ana e mediave atje, shprehet keqardhja për situatën në të cilën po kalon Shqipëria e sidomos jugu i vendit.

“Presidenti Vuçiç shprehu keqardhje të thellë për shkak të shkatërrimeve dhe përmbytjeve që kanë bllokuar jugun e Shqipërisë dhe kanë shkaktuar dëmtime të shumta materiale.

Serbia është gati të ofrojë mbështetje teknike dhe të ndihmojë Shqipërinë në parandalimin e pasojave më të mëdha të këtyre katastrofave natyrore”, njoftoi zyra e shtypit e presidentit të Republikës Serbe.

(E.K/Faxweb)