Ish- kryeministri Aleksis Tsipras, në fjalimin e tij në mbledhjen e Partisë Socialiste Evropiane, pasi ka folur për raportet e marrëdhënieve me Turqinë dhe zbatimin e embargos së armëve, i është referua perspektivave të pranimit të Ballkanit Perëndimor.
Tsipras ka theksuar se “dështimi për të hapur negociatat e pranimit me Maqedoninë Veriore dëmton shumë besueshmërinë dhe fuqinë e BE-së dhe forcon forcat nacionaliste dhe destabilizimin e Ballkanit”. Në këtë kontekst, ai shprehu mendimin se Maqedonisë Veriore dhe Shqipërisë duhet t’iu jepet drita jeshile.
Pas takimit me kryeministrat europianë të që vijnë nga radhët e Partive të majta, (PSE), dhe komisionerëve, kryeminitri Edi Rama tha gjatë ditës se u diskutua një vendimmarrje pozitive në Këshillin Europian për çështjen e negociatave.
“Sëbashku me Kryeministrin Zayev në takimin e kryeministrave europianë të PSE dhe komisionerëve europianë të familjes sonë politike në BE, ku diskutuam për rëndësinë që ka për Bashkimin Europian, e jo vetëm për Shqipërinë e për Maqedoninë e Veriut, një vendimmarrje pozitive në Këshillin Europian” shkruan kryeministri shqiptar.
(F.GJ/FAXWEB.AL)
Discussion about this post