Pas shkarkimit të Armand Shkullakut si drejtor i “ABC News” shumë portale në Tiranë njoftojnë se të njëjtin fat ka edhe drejtori i “Mapo”-s, Alfred Lela, që sipas këtyre mediave është shkarkuar nga pronari i medias në fjalë, Henri Çili.
Portali “Shuplaka” kontaktoi me Çilin, i cili mohoi kategorikisht një lajm të tillë, që sipas tij është i rremë.
“Deri tani as e kam shkarkuar dhe as vetë Lela nuk më ka paraqitur dorëheqjen”, tha për “Shuplaka” Henri Çili.
Sipas opozitës dhe shumë personaliteteve të medias në vend, shkarkimi i Shkullakut vjen si pasojë e ndikimit që ka mazhoranca dhe segmente të saj në televizionet, shtypin e shkruar dhe portalet në vend.
Kujtojmë se Armand Shkullaku ishte në krye të ABC News që prej krijimit të tij rreth 5 vite më parë. (A.R/SHUPLAKA)
Discussion about this post