Konflikti midis ambasadorit amerikan Donald Lu dhe Kryeprokurorit Adriatik Lalla vazhdon të debatohet në media. I ftuar në “Tonight Ilva Tare”, analisti Alfred Lela thotë se nga ky debat kuptojmë se zgjedhjet e 18 qershorit janë të kërcënuara dhe mund të vidhen.
Sipas Lelës, kauza e zgjedhjeve e Partisë Demokratike mbështetet nga ambasadori Lu, i cili nuk ka qenë gjithmonë në krah të opozitës, përkundrazi.
“Në debatin midis zotit Lu dhe Llalla kishte edhe një “diamant” nëse do të themi kështu midis atij qymyri. Ishte fraza që zgjedhjet e ardhshme janë të kërcënuara dhe mund të vidhen. Kauza e zgjedhjeve, e reformës elektorale ka një mbështetje nga një aktor që quhet Donald Lu, që nuk ka qenë gjithmonë në hatrin e opozitës dhe kjo është një shenjë që shkon në favor të kësaj. Pra, kemi një lojtar të rëndësishëm të faktorit ndërkombëtar që i jep legjitimet asaj që opozita artikulon prej disa kohësh.”, janë fjalët e Lelës. (D.D/Shuplaka)
