Alfred Peza, Sekretar për mediat në PS i ftuar në Faxnews ka folur për Asamblenë Kombëtare të mbajtur sot.
Peza u shpreh se strukturat e PS-së po përgatiten për një sfidë më të madhe që janë zgjedhjet. Peza komentoi edhe përjashtimin e deputetit Gjetan Gjetani nga ana e Ramës në Asamblenë Kombëtare. Për Pezën Gjetoni ka shkelur rregullat e brendshme të partisë ndaj edhe u përjashtua.
“E gjithë kjo strukturë të jetë gati që tani, sepse me zgjedhjet e ardhshme na pret një sfidë shumë e madhe. Janë disa probleme që nuk hasen vetëm te PS po janë sëmundje te të gjitha partitë e tjera. Ajo që ndodhi me Gjetanin ka të bëjë me rregullat e brendshme. Një deputet nëse ka probleme duhet të dijë t’i adresojë. Duhet të dijë të adresojë problemin siç duhet jo për disa vota më tepër, por hir të një mbështetje lokale. Për emocione të çastit të marrë role që nuk janë në përputhje me atë që ai mund të përfaqësojë”, tha ai.
Peza nuk hezitoi edhe të dënojë sulmin ndaj gazetares Klodiana Lala, apo çdo gazetari tjetër.
“Duhet të zbatojë detyrimet, një masë e caktuar nuk e prish funksionimin e PS. Me nisma konkrete me kauza konkrete dhe projektligje konkrete të vijë dhe ulet në tryezë. Jam absolutisht kundër dhunës ndaj gazetarëve, ndaj kujdo punonjësi të medias. Kemi pasur raste nga më ekstremet, që nga pikëpamja janë shumë të dënueshme. Nga ana tjetër edhe klasa politike edhe parlamenti. Sa më solidare të jetë politika, aq më shumë tkurret dora kriminale.Në një të ardhme askush nuk do të guxojë më të vërë dorë mbi një gazetarë”, u shpreh ai.
(J.D/Faxweb.al)
Discussion about this post