Në daljen e tij të parë për mediat pas skandalit për blerjen e 1 miliard lekë aksioneve nga bashkëshortja, deputeti socialist Alfred Peza sulmon djalin e ish-Kryeministrit Sali Berisha.
Sipas Pezës, i gjithë ky sulm që po i bëjnë mediat bëhet për të mbuluar një skandal tjetër më të madh me personazh kryesor Shkëlzen Berishën.
“E dini pse ka ndodhur gjithë ky sulm ndaj meje. Ka ndodhur sepse i keni parë filmat dhe a i keni lexuar librat gazetareskë? Ka ndodhur sepse që të mbulohet një krim në një anë të qytetit, duhet që të bëhet shumë zhurmë në një anë tjetër të tij.
Ka ndodhur një skandal në një bankë jo aty ku ka blerë aksionet gruaja ime, por në një bankë tjetër të nivelit të dytë.
Në një tjetër bankë ka ndodhur një skandal shumë më i madh, janë lëshuar 7 milion euro kredi, që është një shumë e palejuar e tërhequr nga shoku i ngushtë i Shkëlzen Berishës.
Shkëlen Berisha që në vitin në vitin 2010 ka deklaruar për pasurinë e 2009-ës, 300 mijë euro më shumë se sa unë. Ky skandal i madh ka qenë shumë më i madh.”, tha Peza.
Sakaq ai i përmendi djalit të ish-kryeministrin edhe të fejuarën e tij Armina Mevlanin, duke u shprehur se puna e Shkëlzenit është ta shëtisë atë nëpër plazhet e botës.
“Duan të fshehin grabitjen që ka bërë djali i Sali Berishës dhe më godasin mua. Shkëlzen Berisha ka deklaruar se punon. Punoka?! Unë kujtoja se ishte guidë e një blogereje për ta dërguar atë në Meksikë dhe në të gjitha plazhet e tjera të botës!”, tha Peza. (D.D/Shuplaka.)
