Deputeti i Partisë Demokratike, Enkelejd Alibeaj, i ka kërkuar Kryeprokurores Arta Marku të marrë provat e publikuara ditën e djeshme nga Partia Demokratike për implikimin e ministrit Fatmir Xhafaj në ndryshimet e Kodit Penal, duke i siguruar të vëllait garancinë me ligj të shmangies nga vuajtja e dënimit të marrë në mungesë për trafik ndërkombëtar droge.
Dy përfaqësuesit e PD-së, në studion e emisionit “Opinion”, bën me dije se Fatmir Xhafaj, dje si Kryetar i Komisionit të Reformës në Drejtësi dhe Kryetar i Komisionit të Ligjeve, njëlloj si sot Ministër i Brendshëm, jo vetëm ka ndikuar në këtë çështje, por i ka siguruar të vëllait lirinë e përjetshme, dhe garancinë me ligj të shmangies nga vuajtja e dënimit të marrë në mungesë për trafik ndërkombëtar droge.
Në mënyrë demonstrative Alibeaj u çua në këmbë dhe u shpreh: Këtu kam në dorë faktet, ose ajde merri këtu, ose do të vij unë nesër, ja ku i ke provat për falsifikim.
Në sfond dëgjohet dhe analisti Lorenc Vangjeli i cili shprehet: Ua teatër, teatër, dhe miku im i ngushtë Kastriot Çaushi do jetë duke shkulur flokët.
(E.K/FAXWEB.AL)
Discussion about this post