Deputeti Enkeljd Alibeaj është shprehur i vendosur se PD nuk lëviz nga parlamenti sot dhe sipas tij askush nuk mund t’ia mbylli gojën opozitës.
“Opozita do të qëndrojë këtu dhe do të presim me qetësi derisa të fillojë seanca dhe do të qartësojmë se çfarë po ndodh sot me krimin që ka mbretëruar dhe kjo ndodhur sot është në kundërshtim me kushtetutën.
Nuk mund t’i mbyllet goja opozitës. Nuk është mos përgatitja e mazhorancës por është mosaftësia dhe mungesa e vullnetit për t’u përballur me argumentin. Që të na mbyllin gojën ne s’ka për të ndodhur. Ka lidhje me atë ç’ka gjithë shqiptarët, duhet të sqarohen, çfarë po ndodh sot në Elbasan, sot në Shkodër Durrës, ç’ka ndodhur në 25 qershor. Kjo nuk është histori kjo është çështje parësore e së djathtës”, u shpreh Alibeaj.
Duhet thënë se seanca e sotme parlamentare ka nisur me debate të forta mes PD-së dhe PS-së për faktin që Basha kërkonte që gjatë seancës së sotme të diskutohej në lidhje me Reformën Zgjedhore ndërsa PS nuk e pranoi këtë.
Situata është bërë edhe më e nxehtë për shkak se kreu i demokratëve Basha bllokoi foltoren dhe më pas Ruçi e përjashtoi nga seanca.
Punimet e Kuvendit janë ndërprerë prej disa minutash, ndërsa demokratët shprehen të vendosur që nuk do ta lirojnë foltoren. (J.V/Shuplaka)
