Deputeti demokrat Enkelejd Alibeaj ka pasur dot një deklaratë për mediat në lidhje me raportin e fundit të Europolit që e klasifikonte Shqipërinë një nga vendet kryesore të burimit të kanabisit në BE.
‘’Ditën që Edi Rama njolloste opozitën me akuzat e tij, Europol konfirmonte edhe njëherë faktin që Shqipëria është burimi kryesor i trafikut të kanabisit në BE. Ky raport konfirmon që nuk është opozita ajo që po i nxin faqen vendit, po ëshgtë qeveria dhe lidhja që ajo ka me drogën.
Shqipëria mund dhe duhet të kishte qen një vend që të negocionte për anëtarësim në BE, por jo, Shqipëria ka prioitet drogës nën udhëheqjen e Edi Ramës.
Paratë e drogës pastrohen për të blerë të tjerë politikanë. Vendet e BE-së po kërkojnë përditë luftë kundër drogës dhe të paprekshmëve, dhe pa nxjerrë para ligjit të gjithë politikanët e përfshirë”, u shpreh mes të tjerave Alibeaj.
Në raportin e tij Europol shkruan se tregjet e drogës mbeten tregjet më të mëdha kriminale në BE. Në raport thuhet se tregu i drogës në vendet europiane prodhon 24 bilionë euro fitime për trafikantët dhe rrjetet e krimit të organizuar.
Raporti flet se rreth 35 për qind e grupeve të krimit të organizuar aktive në Bashkimin Europian janë të përfshria në prodhim, trafikim ose shpërndarje të drogës, ndërsa shton se rruga e Ballkanit mbetet rruga kryesore prej nga futet heroina në BE.
Sipas Europol për pothuajse të gjitha llojet e krimit të organizuar, elementët kriminalë kanë përshtatur aktivitetin e tyre me zhvillimin e teknologjisë . “Kjo është tani, ndoshta, sfida më e madhe që përballen autoritetet e zbatimit të ligjit në mbarë botën, duke përfshirë edhe në Bashkimin Europian”, thekson Europol .
(E.K/FAXWEB)
Discussion about this post