Kreu i Departamentit të Sigurisë në Partinë Demokratike, Enkeled Alibeaj ka deklaruar për mediat se Edi Rama nuk e do dekreminalizimin. Ai u shpreh se kryeministri në vend që të pastrojë rradhët, po i shton ata me kriminelë. Alibeaj iu ka bërë gjitahshtu thirrje institucioneve përgjegjëse si KQZ-ja dge Prokuroria të veprojnë për ta zbatuar ligjin e dekriminalizimit.
Ai i është referuar në deklaratën e tij deputetit të LSI-së të mandatuar në Vlorë Shkëlqim Selami, i cili sipas disa dokumenteve që kanë qarkulluar në media ka qenë i dënuar në Itali. Deputeti vetë është rradhitur në krah të Edi Ramës duke u vetëpërjashtuar nga LSI. Ai është shprehur i habitur me këto akuza dhe i ka cilësuar si shpifje dhe qesharake.
‘’Rama nuk e do dekreminalizimin. Edi rama nuk bën asnjë përpjekje që të heqë të kriminalizuarit që ka në Bashki, qeveri. Ai po pasuron rradhët me kriminelë, vazhdon kontratën me krimin në të gjitha format’’, ka thënë ndër të tjera deputeti demokrat.
