Ka pasur debate në mbledhjen e sotme të Komisionit të Ligjeve ku diskutohet në lidhje me KLGJ-në dhe KLP-në.
Në lidhje me institucionet e reja të Drejtësisë që pritet që të krijohen deputeti demokrat Enkelejd Alibeaj u shpreh se ka një nxitim të pakuptimtë nga ana e mazhprancës, ndërsa kandidatët nuk kanë kaluar ende Vetingun.
Sipas tij 80 % e kandidatëve kanë rezultuar nga ana e OMN-së me probleme të shumta, madje janë kapur duke kopjuar.
Alibeaj: Askush nga ne nuk duhet të ketë sot ndonjë ngut, pasi jemi në hapat e fundit. Shumë prej nesh vimë nga një e shkuar që kemi qenë pjesë e institucioneve ligjore, e ndaj edhe na dhëmb edhe shpirti pak më shumë.
Dakord, ju jeni të qartë, ne jo aq shumë të qartë, në lidhje me institucionet që përzgjedhin emërimet e reja në sistemin në drejtësi. Po publiku shqiptar a ka të drejtë që të njihet me atë që po ndodh?!
Tashmë jeni të kapluar si mazhorancë nga një sërë çështjesh të nxehta ligjore. Vetingu nuk është bërë ende për asnjë nga personat të cilët janë emëruar në institucionet e reja të Drejtësisë.
Në jo më pak në 80% të rasteve, ONM-ja ka thënë për kandidatët se notojnë në ujërat e mediokritetit, o nuk dinë të shkruajnë, o nuk dinë të bëjnë një platformë, o nuk dine anglisht, o janë kapur duke kopjuar, Genci që është dhe sekretari i Kuvendit, duhet ti reflektonte këto konstatime.
Në Këshillin e lartë gjyqësor duhet të jenë dy pedagogë, ndërsa duhet të jenë 6 kandidatë, dhe në të vërtetë janë katër.
Kjo është që të përcaktosh ende pa u nisur procesi se kush do të zgjidhet. Duhet minimalisht që të ketë tre kandidatura për një vend vakant.
(E.K/FAXWEB)
Discussion about this post