Alizoti: Ç’duhet të bënte Basha që të ishte i suksesshëm, është në minutat shtesë

I ftuar në emisionin “Natë me Xhaxhiun”, Tomor Alizoti ka folur për aktualitetin politik në Shqipëri por edhe temën më të nxehtë në Kosovë dhe jo vetëm, atë të “korrigjimit të kufijve”, ide e shfaqur nga presidenti Hashim Thaçi.

Duke folur për situatën e vështirë në Shqipëri, situatë të cilën sipas tij e kanë shkaktuar partitë politike, Alizoti u shpreh se problemi është se ato tona janë autokratike.

“Partitë në Shqipëri janë autokratike. Shqipëria vjen nga një diktaturë totalitare stalinite-maoiste, ndërsa kapitalizmi është sistem shumë modern. Kërkon ekspertë. Dhe partitë që vijnë në pushtet dhe fusin në punë njerezit që kanë ruajtur votat, kjo është dështim. Është një krizë e madhe kjo”, tha Alizoti.

I pyetur nga Xhaxhiu nëse Basha është problemi i PD-së, ai theksoi se kreu i PD-së kishte një mundësi që me talent politik të ishte i suksesshëm dhe të kthente shpresën në vend por nuk e bëri.

“Elektorati i të djathtë ngeli i shashtisur dhe i habitur kur dolën listat. Me një talent politik, Basha do të ishte i suskseshsmën nëse do të ishte lideri, racional ligjor që ndërton një staf me ekspertë. 

Një ekip modern. Një lider që do të ishte i suksesshëm përmes stafit të tij. Por me atë që e ngriti nuk ishte i tillë. Ai mund të ngrihet përsër. Por është në minutat e fundit të lojës.

Dua që ky vend të bëhet shpresëdhënës për fëmijët tanë. Kur shikoj opozitën e bashkuar nuk më inspiron, politika është edhe ndjesi, nuk me inspiron kur grupe politike lëvizin nga Rama tek Basha.Nuk inspirohem dot për ndryshimin”, tha Alizoti.

Referuar idesë së ndryshimit të kufijve mes Kosovës dhe Serbisë ai ishte kundër dhe u shpreh se liderët shqiptarë të cilët i quajti thjeshtë “eprorë” se fjala lider ishte e madhe, kanë sakrifikuar gjithçka për egot dhe pushtetin e tyre.

Për të ishte e pabesueshme që Thaçi të dilte me këtë ide, ndërsa kishte qenë dhe pjesë e UÇK-së që luftoi për lirinë e Kosovës.

Sipas tij Berisha e kapi situatën në mënyrë ekselente dhe e ka vënë në vështirësi presidentin Thaçi që e kishte sulmuar shumë ashpër ish-kryeministrin e Shqipërisë.

(B.H/Faxweb)