Ish-kreu i Departamentit të Përndjekurve në Partinë Demokratike,Tomorr Alizoti i ftuar në ‘Fax News’ ka lëshuar kritika ndaj qeverisë për sa i përket bisedimeve me Greqinë.
Alizoti tha se negociatat janë të tipit që merr diçka dhe jep diçka tjetër, duke theksuar se deri në këto moment grekët kanë marrë atë që kanë deshur, varrezat e ushtarëve, ndërsa Shqipëria ende nuk ka marrë asgjë.
Alizoti tha se partia e çamëve duhet të protestonte gjatë vizitës së Kotzias në Shqipëri për të kërkuar pronat e tyre. Alizoti tha se justifikimi që përdor Greqia për çamët se paskan qenë mbështetës të nazizmit nuk kam sens pasi në atë kohë ka pasur edhe grekë apo edhe serbë që kanë mbështetur fashizmin apo nazizmin.
“Në shqipëri ka një parti çame që duhet të ishte në Korçë për të protestuar. Çamët, kanë të drejtë të kenë pronat e tyre. Nuk është tezë të thuash që kanë qenë bashkëpunëtor të fashizmit apo komunizmit, edhe nëse kanë qenë, nuk mund të shpronësosh një popullsi me një tezë,
Koztias, thotë se një pjesë kanë qenë bashkëpunator të fashizmit, edhe grekët, edhe serbët kanë qenë bashkëpunëtor”, tha Alizoti.
Ai tha gjithashtu se nuk e di nëse çështja came është diskutuar në bisedime por theksoi se nëse Shqipëria ka hequr dorë prej kësaj çëeshtjeje ka bërë një gabim të rëndë.
“Duke qenë një bisedim bilateral cështja çame duhet të diskutohet, por ne nuk e dimë se cfarë është diskutuar.
Nëse Shqipëria ka hequr dorë nga çështja çame ka bërë gabim shumë të madh. Në rastin e varrezave ne duam të dimë çfarë mori Shqipëria.
Ligji luftës nuk duhetn të ishte pjesë e diskutimeve, jemi dy anëtarë të NATO-s, nuk bën sens. Shqipëria mund të negocionte kur të ishte më e fuqishme”, deklaroi ai. (B.H/Faxweb)
Discussion about this post