Një ditë më parë, deputeti Astrit Patozi deklaroi se alternativa e tij për ringritjen e Partisë Demokratike, ishte nisja e një turi nëpër Shqipëri për bashkëbisedime me demokratët.
Mësohet se Patozi, turin e tij nëpër Shqipëri do ta nisë nga qyteti bregdetar i Durrësit.
Pritet që Patozi, të organizojë një bashkëbisedim me qytetarë dhe militantë të PD-së, për të biseduar lidhur me situatën në të cilën gjendet kjo forcë politike. Takimi i parë do të nisë pikërisht nesër, rreth orës 19:00.
Kujtojmë se alternativën e tij, Patozi e shpalli vetëm një ditë më parë, ndërsa ishte i ftuar në emisionin “5 pyetjet nga Babaramo”.
“Ne nuk kemi mbret në PD. Ne nuk pranojmë që të kemi një mbret për kryetar, që thotë që unë me dy tre njerëz të shtëpisë i vendos të gjitha. Unë vetë bashkë me një grup kolegësh do të bëjmë një tur nëpër Shqipëri në mënyrë që të takohemi me demokratët dhe t’u kërkojmë që të gjejmë zgjidhje për partinë tonë.
Në ditët në vijim do të ketë zhvillime të reja. Do të ketë kërkesa institucionale për të ndërprerë farsën, nëse nuk ndodh do të shikojmë të gjitha mënyrat që ajo ditë të mos jetë e bekuar, por për t’u harruar”, ishin fjalët e Patozit. (D.D/Shuplaka)
Discussion about this post