Pas më shumë se dy javësh që la spitalin Infektiv, avokati Altin Goxhaj kishte lënë rreth 10 ditë më parë edhe vendin, për të marrë kurim jashtë shtetit, për gjendjen e vështirë shëndetësore të cilën po kalonte.
Në një postim në rrjetet sociale, Goxhaj shoqërohej nga babai i tij dhe nga regjisori Kastriot Çipi, ndërsa shkruante se pas 11 ditësh shpresonte që të kthehet totalisht i shëruar (lexo këtu).
Fatmirësisht me anë të një tjetër postimi, Goxhaj ka bërë të ditur pasditen e sotme se situata e tij shëndetësore është përmirësuar ndërsa ka publikuar edhe një foto nga Aeroporti i Rinasit me miqtë e tij, Genc Sejko dhe Kastriot Çipi.
“Genc Sejko ikën përsëri në Londër, unë erdha nga trajtimi shëndetësor nga Canna, Kastriot Çipi na organizoi të treve 🙂
Nesër kthehem në punë në gjykata dhe politikë ”, shkruan Goxhaj.
(F.GJ/FAXWEB.AL)
Discussion about this post