Presidenti kuban, Raul Castro, thotë se Kuba do të ndalojë ngritjen e monumenteve dhe rrugëve që do të emërtohen sipas emrit të vëllait të tij të vdekur dhe udhëheqësit të Revolucionit, Fidel Castro.
Kjo do të bëhet në përputhje me dëshirat e Fidel për të shmangur kultin e personalitetit.
Kjo deklaratë u publikua të shtunën në mbrëmje, pas një javë zie kombëtare për vdekjen e Fidel Castro, dhe para vendosjes së urnës me hirin e tij në Santiago de Kuba, raporton AP.
“Lideri revolucionar ka hedhur poshtë çdo formë të kultit të personalitetit dhe në këtë ka mbetur i vendosur deri në orët e fundit të jetës, duke këmbëngulur që pas vdekjes së tij emri i tij nuk duhet të përdoret për emrat e institucioneve, rrugëve, parqeve dhe vendeve tjera publike dhe kurrë nuk duhet ngritur busta, statuja, as forma të tjera të nderit”, ka thënë Raul Castro në një fjalim ku ishte një numër i madh i njerëzve të mbledhur në Santiago.
Ai shtoi se parlamenti Kuban në seancën e ardhshme do të votojë ligjin me të cilin do të mbushet dëshira e vëllait të tij, i cili vdiq javën e kaluar në moshën 90 vjeçare.
Urna me hirin e Fidel arriti në Santiago de Kuba, ku sot do të vendoset në dhe, afër mauzoleut të luftëtarit kuban për pavarësi, José Martí, pas një zie nëntë ditore.
