Ambasada Amerikane në Tiranë hap vende të reja pune

Ambasada Amerikane në Tiranë, nëpërmjet një njoftimi të publikuar në faqen e saj zyrtare, fton qytetarët të aplikojnë për disa vende pune.

“Ambasada Amerikane, Zyra e USAID-it, Zyra e Korpusit të Paqes si edhe agjensi të tjera amerikane në Tiranë mund të publikojnë herë pas here lajmërime për vende të lira pune për nevojat e tyre të punësimit. Këto njoftime do të paraqiten në këtë faqe përgjate afatit të tyre të vlefshëm”, njofton ambasada e SHBA-së.

Sipas anjoftimit, të gjithë qytetarët kanë të drejta të barabarta për të aplikuar në këto vende të reja punë.

“Agjensitë qeveritare amerikane janë punëdhënës me mundësi të barabarta dhe është politikë e tyre që të ofrojnë mundësi të barabarta punësimi që të gjithë personat, të ndalojne diskriminin për arsye të rracës, ngjyrës, fesë, seksit, origjinës kombtare, moshës, paaftesisë për punë, apo statusit të veteranit.”, shkruhet në njoftim.

Aplikimet mund të dërgohen nga e Hëna në të Premte, nga ora 9:00 deri në orën 17:00 pranë agjensisë respektive apo ambasadës. Për të mësuar vendet e punës që ofrohen dhe informacione të tjera , mund të kërkoni në faqen e saj zyrtare. (D.D/Shuplaka)