Ambasada amerikane në vendin tonë vetëm pak minuta më parë ka publikuar në Facebook një profil të Zonjës së Parë të Shtetev të Bashkuara të Amerikës, të Melania Trump-it. “Njihuni me Zonjën e Parë, Melania Trump, ashtu si e njihnin sllovenët”, shkruhet në faqen e ambasadës amerikane në Tiranë. Ndërsa vetë profile titullohet: Melania Trump, ashtu siç e njohin sllovenët atë”.
Në këtë profil shkruhet: Melanija Knavs ka lindur në 26 Prill të vitit 1970 në ish-Republikën Jugosllave të Sllovenisë, një vend i vogël me kështjella mesjetare, pyje të mëdha dhe lumenj të rrethuar nga Austria, Hungaria, Italia dhe Kroacia. Ajo e la atdheun e saj për të ndjekur karrierën si modele në fushën e modës. Tani sllovenët mezi presin të tërheqin vëmendjen e botës në sajë të rolit të ri të vajzës që mban kombësinë e tyre, rol i një profilit të lartë.
Jakob Susteric, që drejton një kompani mjekësore në Lubjanë, kryeqyteti i Sllovenisë, thotë se pak e njohin Slloveninë tani, por së shpejti kjo do të ndryshojë. “Kjo është një mundësi e madhe që kombi ynë prej dy milionë … të gjejë vendin e vetë në Evropë, në botë”, tha ai.
Fotografi Stane Jerko kujton se e ka parë Melaninë kur ajo ishte vetëm 17 vjeçe, në një organizim mode në qytetin e saj, Sevnica. Edhe atëherë ajo dallohej për bukurinë dhe energjinë e saj. Petra Sedej, një shoqe klase gjatë shkollës së mesme, kujton bisedat e tyre në lidhje me dëshirën e madhe për të parë botën. Disa vajza e kishin zili bukurinë e saj, por ajo nuk reagonte. “Unë mendoj se kjo vjen nga diçka e fortë që ndodhet brenda saj”, ka thënë Sedej.
Ajo u largua nga Sevnica për të bërë modelen në Lubjanë dhe më vonë në Milano dhe Paris. Melania e ndryshoi mbiemrin e saj në Melania Knauss. Melania dhe Donald Trump u takuan në një eveniment mode në Nju Jork në vitin 1998.
Në Sevnica, miku i familjes Zdravko Mastnak thotë se babai i saj, Viktor Knavs, i ngjante shumë Donald Trump-it, ishte një burrë ambicioz, biznesmen i mirë dhe gjithmonë në kërkim për të përmirësuar jetën e tij, përtej asaj që fitonte nga shitja e makinave në një kompani shtetërore. Nëna e saj, Amalija, bënte modelet e rrobave në fabrikën e veshjeve për fëmijë. “Ajo do të bëhet një nga ne, ne jemi me të vërtetë të lumtur për të,” tha Nusa Vidmar, një pronare e një dyqani tortash pranë pallatit ku Melania Trump u rrit. Melania, është Zonja e Parë e dytë që ka lindur jashtë Shteteve të Bashkuara.
Po kështu një kavanoz mjalti mban imazhin e Melania Trump-it dhe flamurin amerikan në një dyqan turistik në Sevnica, vendlindjen e Zonjës së Parë. (J.V/Shuplaka)
[ngg_images source=”galleries” container_ids=”890″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
